Lagðir fram uppdrættir sem fylgja umsókn um byggingarleyfi á breytingum á einbýlishúsinu að Móaflöt 12. Skipulagsstjóri gerir ekki athugasemd við veitingu byggingarleyfis sem er í samræmi við framlagða uppdrætti.

Lögð fram tillaga að breytingu deiliskipulags Vetrarmýrar sem gerir ráð fyrir því að lóðin Vetrarbraut 19 minnki úr 5.641 m2 í 3.955 sem nemur svæði innan lóðar þar sem gert er ráð fyrir settjörn fyrir ofanvatn. Um leið hækkar nýtingarhlutfall lóðarinnar úr 2,5 í 3,6 þar sem heimilað byggingarmagn lóðarinnar er það sama og fyrir breytingu.
Einnig gerir breytingartillagan ráð fyrir því að rampur fyrir bílakjallara verði bæði á lóðinni annarsvegar Vetrarbraut 17 og Vetrarbraut 19 hinsvegar en ekki sameiginlegur rampur eins og skipulagið gerir ráð fyrir.
Skipulagsstjóri metur tillöguna sem óverulega breytingu deiliskipulags Vetrarmýrar í samræmi við 2.mgr.43.gr.skipulagslaga nr.123/2010. Í samræmi við 2.ml.3.mgr.44.gr.sömu laga er grenndarkynning felld niður þar sem að breytingin varðar ekki hagsmuni annarra en Garðabæjar.
Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.

Lagðir fram aðaluppdrættir að einbýlishúsi að Steinprýði 6 ásamt umsögn deiliskipulagshöfundar. Hluti byggingar nær lítilsháttar út fyrir byggingarreit en að öðru leyti samræmast uppdrættir ákvæðum deiliskipulags Garðahrauns. Skipulagsstjóri gerir ekki athugasemd við að við veitingu byggingarleyfis verið vikið frá kröfum 2. mgr. 43. gr. skipulagslaga nr. 123/2010 sbr. 3. mgr. sömu greinar, hvað ofangreint atriði varðar. Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.

Lögð fram tillaga að endurskoðuðu aðalskipulagi Hafnarfjarðarbæjar sem mun gilda fyrir tímabilið 2025-2040.
Gerð er athugasemd við að brautin sem tengir saman mislæg gatnamót Kaldársselsvegar við "Ofanbyggðaveg" og mislæg gatnamót við Reykjanesbraut sé ekki skilgreind sem stofnbraut eins og aðalskipulag Hafnarfjarðar sem gilti fyrir tímabilið 2005-2025 gerði ráð fyrir við samþykkt þess.
Einnig er gerð athugasemd við að aðalskipulagstillagan geri ráð fyrir jarðgöngum Reykjanesbrautar um Setbergshamar sem gildandi Aðalskipulag Garðarbæjar 2016-2030 gerir ekki ráð fyrir. Þegar tillögur um útfærslu endurbóta á stofnbrautakerfi á sveitarfélagamörkum Hafnarfjarðar og Garðabæjar liggja fyrir verður hægt að vinna að tillögum að breytingum á aðalskipulagsáætlunum beggja sveitarfélaga.
Garðabær leggur áherslu á mikilvægi góðrar samvinnu og samráðs sveitarfélaganna og að í aðalskipulaginu verði skýrt kveðið á um að virkt og tímanlegt samráð milli nágrannasveitarfélaga verði í fyrirrúmi vegna fyrirhugaðrar skipulagsvinnu eða framkvæmda sem gæta áhrifa á sveitarfélagamörkum. Mikilvægt er að samræma lausnir og tryggja að ákvarðanir stuðli að skilvirkni, góðri nýtingu lands og innviða og þjónustustigi íbúa beggja sveitarfélaga.

Lögð fram tillaga að einbýlishúsi á lóðinni Garðprýði 6 ásamt umsögn deiliskipulagshöfundar. Bygging fer lítilega út fyrir byggingarreit á 4 stöðum og ekki er að öllu leyti tekið tillit til hraunmyndanar sem skilgreind er á deiliskipulagsuppdrætti hvað staðsetningu bílastæða varðar. Um er að ræða lága laut í hrauni.
Skipulagsstjóri metur tillöguna sem óverulega breytingu deiliskipulags Garðahrauns í samræmi við 2.mgr.43.gr.skipulagslaga nr. 123/2010 og vísar henni til grenndarkynningar í samræmi við 44.gr.sömu laga. Grenndarkynna skal eigendum og íbúum að Garðprýði1, 3, 4 og 8. Ef þeir sem grenndarkynning nær til staðfesta með undirritun sinni á uppdrætti að þeir geri ekki athugasemd við tillöguna er unnt að stytta frest til að skila inn athugasemdum.

Lögð fram fyrirspurn um heimild fyrir 20 ft gám á lóð í samræmi við framlögð gögn. Tilgangur stöðuleyfis er tímabundin geymsla á verkfærum, byggingarefni og búslóð á lóð vegna tiltektar og almenns viðhalds á eigninni. Gámurinn verður fjarlægður að verki loknu. Skipulagsstjóri gerir ekki athugasemd við að byggingarfulltrúi veiti stöðuleyfi til 12 mánaða.

Lagðir fram uppdrættir sem fylgja umsókn um byggingarleyfi fyrir einbýlishúsið Kjarrprýði 1. Hámarkshæð húss fer lítilega upp fyrir leyfilega hámarkshæð og hefur hönnuður gert grein fyrir ástæðum þess. Skipulagsstjóri gerir ekki athugasemd að við veitingu byggingarleyfis verði vikið frá kröfum 2. mgr. 43. gr. skipulagslaga 123/2020 sbr. 3. mgr. sömu greinar. Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.

Lagðir fram uppdrættir sem fylgja umsókn um byggingarleyfi vegna einbýlis við Garðprýði 6. Skipulagsstjóri vísar til umsagnar hjá skipulagshöfundi.

Lagðir fram uppdrættir sem fylgja umsókn um byggingarleyfi ásamt umsögn deiliskipulagshöfundar. Skipulagsstjóri gerir ekki athugasemd við veitingu byggingarleyfis sem er í samræmi við framlagða uppdrætti.

Lögð fram tillaga að breytingu deiliskipulags Ása og Grunda sem gerir ráð fyrir byggingarreit þar sem nú er einnar hæðar sólskáli við Melás 8.
Skipulagsstjóri metur tillöguna sem óverulega breytingu á deiliskipulagi Ása og Grunda í samræmi við 2. mgr. 43. gr. skipulagslaga nr. 123/2010 og vísar henni til grenndarkynningar í samræmi 44. gr. sömu laga. Í samræmi við 3. mgr. sömu greinar er tímabil grenndarkynningar stytt þar sem þeir sem grenndarkynningin nær til hafa lýst yfir með undirskrift sinni að þeir gera ekki athugasemdir.
Breytingin skoðast því samþykkt.
Um ákvörðun skipulagsstjóra vísast í viðauka II við samþykkt um stjórn Garðabæjar nr. 1182/2022.

Lögð fram fyrirspurn um byggingu tveggja smáhýsa við Melás 9 og 11, 15 m² hvort.
Fjarlægð milli smáhýsis við Melás 11 frá glugga er minni en 3 m, líkt og grein 9.7.6 í byggingarreglugerð kveður á um.
Skipulagsstjóri getur því ekki fallist á smáhýsi á þessum stað við Melás 11.
Smáhýsið við Melás 9 rúmast aftur á móti innan marka byggingarreglugerðar.

Lögð fram fyrirspurn um vegg á lóðarmörkum við Haukanes 25. Skipulagsstjóri bendir á að skv. deiliskipulagi Arnarness er hámarkshæð veggja og girðinga sem snúa að opnum svæðum og göngustígum 1,5 m. Miðað er við hæð á lóðarmörkum.
Skipulagsstjóri bendir jafnframt lóðarhafa á að ef girðing eða veggur er hærri en ákvæði deiliskipulags kveða á um skal færa girðingu inn á lóð sem um nemur mismun frá leyfilegri hæð og raunhæð veggjar.

Lögð fram fyrirspurn um að breyta yfirbyggðu bílskýli í lokaðan bílskúr við Smáraflot 24.
Skipulagsstjóri bendir á að eftirfarandi fyrirspurn er ekki í samræmi við deiliskipulag Flata hvað varðar lengd á brunagafli bílskúrs og einnig segir í ákvæðum deiliskipulags að bílgeymsla skuli byggð í framhaldi af bílastæðum á deiliskipulagsuppdrætti. Á deiliskipulaguppdrætti eru bílastæðin 7 m en fyrirspurn felur í sér að bílastæðin verði aðeins 5 m.
Eftirfarandi fyrirspurn kallar því á breytingu deiliskipulags Flata.

Lagðir fram uppdrættir sem fylgja umsókn um byggingarleyfi vegna viðbyggingar við Iðnbúð 3. Viðbygging nær út fyrir uppgefinn byggingarreit í deiliskipulagi Búða og kallar framkvæmd því á breytingu á deiliskipulagi Búða.

Lögð fram fyrirspurn vegna bílskúrs við Bæjargil 3. Skipulagsstjóri vísar umsókn til umsagnar hjá skipulagshöfundi.

Lögð fram tillaga að breytingu deiliskipulags Molduhrauns sem nær til lóðanna Molduhrauns 6 og 10 að lokinni auglýsingu, engar athugasemdir bárust. Tillagan skoðast því samþykkt. Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.

Lagðir fram uppfærðir aðaluppdrættir við Vorbraut 8-12 breytingin felur í sér stækkun á geymslurýmum. Skipulagsstjóri gerir ekki athugasemd við framlagða uppdrætti.

Lögð fram fyrirspurn um lóðarfrágang við Keldugötu 13.
Skipulagsstjóri bendir á að skv. deiliskipulagi skal girðing á lóðarmörkum við húsagötu ekki vera hærri en 90 cm. Einnig skal girðing hafa 50% gegnsæi.
Varðandi steypt bílaplan vantar lóðaruppdrátt með vatnshalla sem sýnir fram á blágrænar regnvatnslausnir innan lóðar.

Lagðir fram uppdrættir sem fylgja umsókn um byggingarleyfi vegna geymslu við Víkurgötu 29. Þar sem geymsla er út fyrir byggingarreit kallar umsókn á breytingu deiliskipulags Urriðaholts 1.áfangi vesturhluti.

Lögð fram umsókn um framkvæmdarleyfi vegna framkvæmda á Arnarnesvegi vegna einhalla hraðahindrunar á göngubraut yfir Arnarnesveg. Skipulagsstjóri samþykkir veitingu framkvæmdaleyfis sem er í samræmi við framlögð gögn í samræmi við 13. gr. skipulagslaga nr. 123/2010. Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.